There are different kinds of intelligence

Education is one of the most important things in human society, as the human child is born with very little inborn ability and has to learn almost everything. Our present system all over the world, tries to force them into a common cast (in fact, we often talk about “moulding chlldren”). This often results in distorting their natural character and destroying their inborn curiosity and self-confidence.
Several videos have surfaced in the recent past that discuss this matter, indicating that this is on the minds of a lot of people. The latest one I have seen hits the nail on the head. Do watch this: http://www.powr.com/…/there-is-more-than-one-kind-of-intell…
Human society needs to discuss this problem very seriously, as it could lead to the solution of several problems, though finding another system that is better is not at all trivial. We have a number of examples before us, mostly done as experimental – “Summer Hill” (such an experiment in the UK, described in a book by the same name, comes to mind). So, what those among us who have that kind of intelligence need to start talking to each other soon and come to a solution that can be implemented everywhere and will take care of such problems as those this video and others discuss.
Any suggestions?

Advertisements

Kerala staring at disaster

This is a message from a Whatsapp group. I am reproducing this here because of its importance. I have not verified the data given, but I am willing to take them to be true as they are in agreement with my general perceptions. Hope everyone in Kerala will take this seriously. If they still remain complacent, the whole population is bound to face a very bleak future. So, with that anticipatory bail, here is the message:
 
മഹാരാഷ്ട്ര ഒരു മുന്നറിയിപ്പാണ്; ദൈവത്തിന്റെ സ്വന്തം നാടിന്
 
കേരളം: ദൈവത്തിന്റെ സ്വന്തം നാട്. ജലസമൃദ്ധി, പുഴകള്‍, പച്ചപ്പ്, കായല്‍, പച്ചപുതച്ച മലയോരങ്ങള്‍…ഇതെല്ലാം കണ്ടു ദൈവത്തിന്റെ സ്വന്തം നാടെന്നു നമ്മള്‍ പിന്നീടു പേരിടുകയായിരുന്നു.
 
ദേവ്ഗാവ് (മഹാരാഷ്ട്ര): ദേവ് ഗാവ് എന്നാല്‍ ദൈവത്തിന്റെ സ്വന്തം ഗ്രാമം. നമ്മെപ്പോലെ പിന്നീടു ടൂറിസം വികസനത്തിനുവേണ്ടി ഇട്ട ‘ബ്രാന്‍ഡ് നെയിം’ അല്ല. ദേവ്ഗാവ് എന്നുതന്നെയാണ് ആ ഗ്രാമത്തിന്റെ ‘ജന്മനായുള്ള’ പേര്!ഈ പരമ്ബരയില്‍ മുന്‍പു പരാമര്‍ശിച്ച ഗംഗാറാമും കുടുംബവും ട്രാക്ടറില്‍ വീട്ടുവകകളെല്ലാം കയറ്റി പലായനം ചെയ്യുന്ന രംഗമാണു ദേവ്ഗാവില്‍ കണ്ടത്.
 
ദൈവത്തിന്റെ സ്വന്തം നാടും ദേവ്ഗാവും തമ്മില്‍ അധികം ദൂരമില്ല. ജലദൗര്‍ലഭ്യവും വരള്‍ച്ചയും പലായനവും കേരളത്തിലുമെത്താം. ഇതുവരെ കേരളചരിത്രത്തില്‍ രേഖപ്പെടുത്തിയിട്ടില്ലാത്ത ഹീറ്റ് വേവ് പ്രതിഭാസംവരെ കേരളത്തിലെത്തിക്കഴിഞ്ഞു.
 
ചോദ്യം: പക്ഷേ, നമുക്കു 44 നദികളുണ്ടല്ലോ.
 
ഉത്തരം: ഗോദാവരിയോട് തോറ്റ നമ്മുടെ നദികള്‍
 
മലയാളി എപ്പോഴും ഏറ്റുപാടുന്നൊരു പാട്ടുണ്ട് – നമുക്കുണ്ട് 44 നദികള്‍! പിന്നെന്തിനു പേടിക്കാന്‍? എണ്ണമറ്റ ഏക്കറോളം കായല്‍പാടങ്ങള്‍…അതിരപ്പിള്ളിപോലുള്ള വെള്ളച്ചാട്ടങ്ങള്‍…മലയാളിയുടെ സ്വകാര്യ അഹങ്കാരങ്ങള്‍!
 
എല്ലാം തീരാന്‍ ഒറ്റക്കണക്കു മതി:
 
കേരളത്തിലെ 44 നദികളും ചേര്‍ന്ന് ഒരു വര്‍ഷം കേരളത്തിനു നല്‍കുന്ന ജലം 78,041 ദലശക്ഷം ക്യുബിക് മീറ്ററാണ്. ഇപ്പോള്‍ വരള്‍ച്ചയില്‍ ജനം പലായനം ചെയ്യുന്ന മഹാരാഷ്ട്രയിലെ നാസിക്കില്‍നിന്നു പിറവിയെടുക്കുന്ന ഗോദാവരീനദിയില്‍ ഒഴുകിയിരുന്ന ജലത്തിന്റെ അളവു കേള്‍ക്കണോ – 1,05,000 ദശലക്ഷം ക്യുബിക് മീറ്റര്‍! കേരളത്തിലെ മുഴുവന്‍ നദികളും നല്‍കുന്ന ജലത്തെക്കാള്‍ ഏതാണ്ട് 25,000 ദശലക്ഷം ക്യുബിക് മീറ്റര്‍ അധികം ജലം.
 
ഇന്നു ഗോദാവരീനദിയെന്നാല്‍ ഉപേക്ഷിച്ച നെല്‍പാടംപോലെ കാടുണങ്ങിക്കിടക്കുന്നു; കൈവഴികളായ നദികള്‍ അപ്രത്യക്ഷമായിരിക്കുന്നു; നാവുണങ്ങി ഗോദാവരീതീരം വെള്ളം യാചിക്കുന്നു; ഗോദാവരിയുടെ മക്കള്‍ പലായനം ചെയ്ത് അഭയാര്‍ഥി ക്യാംപുകളിലെ പന്നിക്കുഴിയില്‍ നരകിക്കുന്നു. തീര്‍ന്നില്ലേ ദൈവത്തിന്റെ സ്വന്തം നാടിന്റെ ജലസമൃദ്ധിയുടെ പുകള്‍!
 
ചോദ്യം: സാരമില്ല, കേരളത്തില്‍ മഴയുണ്ടല്ലോ!
 
ഉത്തരം: മഴ പെയ്തില്ലെങ്കിലോ?
 
ദേശീയ ശരാശരിയെക്കാള്‍ ഏറെ (മൂന്നു മടങ്ങുവരെയെന്നു പഠനങ്ങള്‍) മഴ പെയ്യുന്ന നാടാണു കേരളം. പിന്നെ എന്തു വരള്‍ച്ച? പ്രസക്തമായ ചോദ്യം.ഇന്ത്യയിലെ സംസ്ഥാനങ്ങളുടെ വാര്‍ഷിക ശരാശരി മഴയുടെ കണക്കു കേട്ടോളൂ: കേരളം – 3,055 മില്ലീമീറ്റര്‍. മഹാരാഷ്ട്ര – കൊങ്കണ്‍ ഉള്‍പ്പെടെയുള്ള മേഖല പരിഗണിക്കുമ്ബോള്‍ 3,005. നേരിയ വ്യത്യാസം മാത്രം (അവലംബം: rainwaterharvesting.org).
 
2011ലെ മഴഭൂപടത്തില്‍ (റെയിന്‍ഫോള്‍ മാപ്പ്) കേരളവും മഹാരാഷ്ട്രയും ഗ്രീന്‍ സോണിലാണ് ഉള്‍പ്പെടുത്തപ്പെട്ടത് (അവലംബം: ഗ്രൗണ്ട് വാട്ടര്‍ ഇയര്‍ ബുക്ക്, മിനിസ്ട്രി ഓഫ് വാട്ടര്‍ റിസോഴ്സ്).
 
2012നുശേഷം നാലു വര്‍ഷം തുടര്‍ച്ചയായി ഭേദപ്പെട്ട മഴ ലഭിക്കാതെപോയതാണു മഹാരാഷ്ട്രയെ വരള്‍ച്ചയിലേക്കു തള്ളിവിട്ടത്. കേരളത്തിലും കുറച്ചു വര്‍ഷം മഴ പെയ്യാതെപോയാലോ? 1990 മുതല്‍ 2003 വരെയുള്ള കാലയളവില്‍ മാത്രം കേരളത്തില്‍ പെയ്യുന്ന മഴ 17 ശതമാനത്തോളം കുറഞ്ഞുവെന്നു സംസ്ഥാന ആസൂത്രണ കമ്മിഷന്റെ പരിസ്ഥിതി റിപ്പോര്‍ട്ടില്‍ പറയുന്നു. തുടര്‍ന്നുള്ള 10 വര്‍ഷം അതിനെക്കാള്‍ മഴ കുറഞ്ഞിട്ടുണ്ട്. ഈ വര്‍ഷം മാര്‍ച്ച്‌ ഒന്നുമുതല്‍ ഏപ്രില്‍ 20 വരെയുള്ള സീസണില്‍ കേരളത്തില്‍ 53% മഴ കുറവുണ്ട്.
 
ചോദ്യം: അതെങ്ങനെ? കേരളത്തില്‍ ഒട്ടേറെ മരങ്ങളുണ്ടല്ലോ, അപ്പോള്‍ മഴ പെയ്യുമല്ലോ.
 
ഉത്തരം: ഇതിലും കാടുകള്‍ ഉണ്ടായിരുന്നു മഹാരാഷ്ട്രയില്‍!
 
കേരളത്തില്‍ 30% വനമുണ്ടെന്നാണു കണക്ക്. മഹാരാഷ്ട്രയിലും 30% ആയിരുന്നു വനം. 2011 – 12 കാലത്തെ റീസര്‍വേ പ്രകാരം 19.94% ആയി കുറഞ്ഞു (അവലംബം: സ്റ്റാറ്റിസ്റ്റിക്കല്‍ വിങ്, നാഗ്പുര്‍ പിസിസിഎഫ് ഓഫിസ്). ഇപ്പോള്‍ അത് 7.9% ആയെന്നാണു കണക്കുകള്‍. അതായത്, മരങ്ങള്‍ ഉണ്ടെങ്കിലും വെട്ടിനശിപ്പിച്ചാല്‍ നിശ്ചയമായും വരള്‍ച്ച കേരളത്തെയും പിടികൂടും. 38,863 ചതുരശ്ര കിലോമീറ്റര്‍ ആണു കേരളത്തിന്റെ വിസ്തീര്‍ണം. മഹാരാഷ്ട്രയുടേത് 3,07,713 ചതുരശ്ര കിലോമീറ്ററും. അതായത്, ഏകദേശം പത്തിരട്ടി. അപ്പോള്‍ സംസ്ഥാനം എന്ന രീതിയിലെടുത്താല്‍ കേരളത്തെക്കാള്‍ എത്രയോ മടങ്ങ് വനമുണ്ടായിരുന്നു മഹാരാഷ്ട്രയില്‍. വകതിരിവില്ലാതെ മരം വെട്ടുമായിരുന്നു മഹാരാഷ്ട്രയില്‍. കേരളത്തിലും ഏതാണ്ട് അങ്ങനെതന്നെ.
 
ചോദ്യം: വനവും മഴയും ഇല്ലെങ്കിലെന്താ,ഭൂഗര്‍ഭജലമുണ്ടല്ലോ?
 
ഉത്തരം: കേരളത്തെക്കാള്‍ കേമമായിരുന്നു മഹാരാഷ്ട്ര
 
2011-12ലെ ഗ്രൗണ്ട് വാട്ടര്‍ ഇയര്‍ ബുക്ക് പ്രകാരം മഴയില്‍ ഭൂഗര്‍ഭജലം കൂടുതല്‍ റിചാര്‍ജ് ചെയ്യപ്പെടുന്നതു മഹാരാഷ്ട്രയിലാണ്. 22.04 ആണു മഹാരാഷ്ട്രയിലെ കണക്ക്. കേരളത്തില്‍ വെറും 4.77. വാര്‍ഷിക ഭൂഗര്‍ഭജലലഭ്യത കേരളത്തില്‍ വെറും 6.03. മഹാരാഷ്ട്രയില്‍ 33.81. ഭൂഗര്‍ഭജലം മെച്ചപ്പെടുന്നതിന്റെ ശതമാനക്കണക്കിനു മഹാരാഷ്ട്രയാണു മുന്നില്‍. കേരളം – 47, മഹാരാഷ്ട്ര – 50 (അവലംബം: ഗ്രൗണ്ട് വാട്ടര്‍ ഇയര്‍ ബുക്ക് 2011-12). കേരളത്തില്‍ 70% കിണറുകളിലെയും ജലനിരപ്പു താഴ്ന്നെന്നാണു ഭൂജലവകുപ്പിന്റെ പഠനം.
 
ചോദ്യം: മഹാരാഷ്ട്രയില്‍ കരിമ്ബ്, മുന്തിരി, ഓറഞ്ച് കൃഷികള്‍ക്കു വന്‍തോതില്‍ വെള്ളമെടുത്തതല്ലേ പ്രശ്നം?
 
*ഉത്തരം: ഒട്ടും ഭേദമല്ല കേരളം *
 
2011-12ല്‍ കേന്ദ്ര ഭൂഗര്‍ഭജല ബോര്‍ഡ് പുറത്തിറക്കിയ ഗ്രൗണ്ട് വാട്ടര്‍ ഇയര്‍ ബുക്ക് പ്രകാരം കേരളത്തിലെ ഗാര്‍ഹിക – വ്യാവസായിക ആവശ്യത്തിന്റെ കണക്ക് ഇങ്ങനെ: കേരളത്തിന്റേത് 1.50, മഹാരാഷ്ട്രയുടേത് 1.04. റബറും വാഴയുമടക്കം നാം ചെയ്യുന്ന മിക്ക കൃഷികളും വന്‍തോതില്‍ വെള്ളം ആവശ്യമുള്ളവയാണ്. മഹാരാഷ്ട്രയിലെ ജീവിതരീതിയുമായി തട്ടിച്ചുനോക്കുമ്ബോള്‍ മുറ്റം വൃത്തിയാക്കാനും കാര്‍ കഴുകാനും ചെലവിടുന്നതും മുറ്റം ടൈല്‍ വിരിച്ചു പുറത്തേക്കൊഴുക്കുന്ന വെള്ളവും നമ്മെ കടക്കാരാക്കുന്നുവെന്നു വേണം കരുതാന്‍.
 
ചോദ്യം: അപ്പോള്‍ കേരളത്തിന് മാത്രമായി ഒന്നുമില്ലേ?
 
ഉത്തരം: കേരളത്തെ പേടിപ്പിച്ചു ‘ഹീറ്റ് വേവ് ‘
 
കടുത്ത വരള്‍ച്ചയാണെങ്കിലും മഹാരാഷ്ട്രയില്‍ ‘ഹീറ്റ് വേവ് പ്രതിഭാസം’ ഈയിടെ കാര്യമായി റിപ്പോര്‍ട്ട് ചെയ്യപ്പെട്ടിട്ടില്ല. എന്നാല്‍, കേരളം രണ്ടു ദിവസമായി ഹീറ്റ് വേവ് മുന്നറിയിപ്പിന്റെ പിടിയിലാണ്. സൂര്യാതപംമൂലമുള്ള മരണവും റിപ്പോര്‍ട്ട് ചെയ്യപ്പെടുന്നു. നിലവിലുള്ളതിനെക്കാള്‍ രണ്ടുമൂന്നു ഡിഗ്രിവരെ ചൂട് ഹീറ്റ് വേവ് പ്രതിഭാസംമൂലം വര്‍ധിക്കാം.
 
ചോദ്യം: നാം എന്തു ചെയ്യണം?
 
ഉത്തരം: കൈകോര്‍ക്കാം കേരളത്തിന്റെ രക്ഷയ്ക്ക്
 
കേരളത്തിനു ലഭിച്ചിരിക്കുന്ന മുന്നറിയിപ്പ് നമ്മുടെ ഉത്തരവാദിത്തം കൂട്ടുന്നു. എല്ലാവരും വിചാരിച്ചാലേ കേരളത്തെ വരള്‍ച്ചയിലും ചൂടിലുംനിന്നു മോചിപ്പിക്കാനാവൂ.
 
വിദഗ്ധ നിര്‍ദേശങ്ങള്‍:
 
• പരമാവധി മരങ്ങള്‍ നടുക; വീട്ടിലും പൊതുസ്ഥലത്തും.
 
• മഴവെള്ളം ഒഴുകിപ്പോകാതെ മണ്ണിലേക്കു താഴ്ത്തുക. കിണര്‍ – കുളം റിചാര്‍ജിങ് ആണു പ്രധാനം.
 
• കണ്ടല്‍ക്കാടുകള്‍, പാടങ്ങള്‍ എന്നിവ നികത്താതെ ജലസംഭരണികളായി സൂക്ഷിക്കുക.
 
• ജലത്തിന്റെ ദുരുപയോഗം നിയന്ത്രിക്കുക.
 
• കൃഷിക്ക് ആവശ്യമായ ജലം മാത്രം ഉപയോഗിക്കുക.
 
• വീട്ടുമുറ്റം ടൈല്‍ വിരിച്ചു മഴവെള്ളത്തെ പെട്ടെന്നു പുറത്തേക്ക് ഒഴുക്കിക്കളയുന്ന ശീലം ഒഴിവാക്കുക.
 
• വീട്ടാവശ്യത്തിനോ മറ്റോ മരം മുറിക്കേണ്ടിവന്നാല്‍ പകരം മൂന്നു വൃക്ഷത്തൈ എങ്കിലും നടുന്നതു ശീലമാക്കുക.
 
•പശ്ചിമഘട്ടം എന്ന കേരളത്തിന്റെ ജലഗോപുരത്തിന്റെ ജൈവവ്യവസ്ഥ നിലനിര്‍ത്തുക.
A forwarded message thinking it is relevant. Data authenticity not verified